У чацвер, 1 сакавіка, у рамках тыдня факультэта прайшла сустрэча з пісьменніцай, журналісткай і рэдактарам універсітэцкай газеты “Мы і час” Анастасіяй Лазебнай (Стасяй Наркевіч). Пісьменніца расказала пра сябе, паведаміла пра сваё творчае станаўленне і сваю не менш творчую сям’ю, прачытала некалькі замалёвак і гумарэсак, адказала на пытанні студэнтаў. З’яўляючыся сапраўдным прафесіяналам, Анастасія Пятроўна расказала пра спецыфіку журналісцкай дзейнасці і якасці, якімі павінен валодаць сапраўдны журналіст.

Трэці дзень тыдня факультэта беларускай філалогіі і культуры быў адзначаны дзвюма асноўнымі падзеямі: правядзеннем алімпіяды па беларускай мове і дэбютным выступленнем тэатральнай групы “Т-32”.

Сёння ў нас канцэрт і падвядзенне вынікаў конкурсу насценгазет, які адбыўся напярэдадні. Самае першае ўражанне ад канцэрта – зладжанасць усяго выступлення, дасціпнасць вядучых Ані Герасімёнак і Антона Арцямёнка. Мы ўбачылі таксама новых выканаўцаў у песенным жанры:  Кацярына Субач і Ганна Казлоўская (4 курс) з песняй “Белая Русь”, Юля Вапручкова і Ганна Фёдарава (3 купс) з песняй “Гора не бяда”, Андрэй Мартынкевіч выступалі ўпершыню. Вакальнае майстэрства прадэманстравалі таксама Людміла Сіпрыдонава (2 куос), Марына Гудкова (5 курс), Аляксандр Камовіч (4 курс). Падтрымала родны факультэт аспірантка Алена Калеснікава, былая салістка эстраднай групы “Шанц”, з песняй “Васількі”. Увогуле ў канцэртную праграму ўвайшлі розныя кампазіцыі, прысвечаныя Беларусі. Спевы і энергічныя танцавальныя нумары ў выкананні танцавальнай групы, якой кіруе Антаніна Козырава (4 курс), запалілі сэрцы гледачоў. Весела прайшла віктарына, прысвечаная гісторыі факультэта.

У холе нашага факультэта а палове першай гадзіны было надзвычай шумна і мнагалюдна. Усе выкладчыкі і студэнты сабраліся тут, каб прыняць удзел у адкрыцці тыдня факультэта. У гэтым годзе адзначаць свята мы будзем з 27 лютага па 3 сакавіка, за гэты час плануецца правесці шмат цікавых і пазнавальных мерапрыемстваў.